شرف الحروف // بقلم الشاعر ا. عبدالله السايح

…(شرف الحروف)… ..
وهبت قلبي للحروف
أمسح دموعها لما تدمع
ولما أشوف جواها خوف
عليها أطبطب ليها أشفع
حب خالي من الظروف
اللي بيها الناس بتمنع
الأذى لما يطوف
على الحروف يوم ماتسمع
إن أنا بيها شغوف
وإن قلبي ليها مرطع
في الحياة بيها أشوف
كل شيء من نورها أسرع
لو عند بعض الناس ضيوف
يبقوا مرضى لأ وأفظع
بالحروف ديما أطوف
في الحياة منها بنرضع
لو نتفطم أو يوم عزوف
الإشارة تبقى مرجع
إيه أهم من الحروف
إيه يكون في الدنيا أرفع
العقول بيها تشوف
في الحياة تعطي وتمنع
وهبت قلبي للحروف
هي بس نورها يسطع
……… (شعر)…… ..
عبد الله السايح