إيه يعني // بقلم الشاعر ا / عبدالله السايح

..(إيه يعني)......
إيه يعني الفرح ينساني
سنين ضايع مايلقاني
اعيش في الدنيا وحداني
وكل كلامي آه ياني
ولا فيه قلب يوم سعني
وإيه يعني
دموعي تملي سبقاني
ومتعلق في حرماني
وفرحي كفنه احزاني
وشايفني واحد.تاني
نفعت الناس وماحد بينفعني
وإيه يعني
تكون البسمة مفرقاني
ودمعة ساكنه اجفاني
وحزن بيته وجداني
وكتر الهم خلاني
كل العمر يوجعني
وإيه يعني
تكون الدنيا عصياني
وعطياني
هموم مربوطة في لساني
وخاصم عقلي نسياني
وليل في نهاري بكاني
وخلاني اقول وإيه يعني
احب الناس واساعدهم
وخيري ازرعه في إيدهم
وفرحي اربطه في عيدهم
وعيني تبقى ساعدهم
والاقي الكل يوم باعني
وإيه يعني
ارفع اهلي وازيدهم
واكون خدام لعبيدهم
ويوم فكرت اعاندهم
في عمر كنت فايدهم
الاقي حقدهم صابني
وإيه يعني
يموت الحب جواهم
وانا اللي محتاج لرضاهم
الاقي حبي خلاهم
بقسوة الفخ منصوب لي
في كاس الحقد مصبوب لي
لا صلة دم منعاهم
ولا خير كان ومكتوب لي
لا حبي رحمني في اذاهم
ولا عطائي منسوب لي
ودمعي ضمير ماصحاهم
ضماير ماتت ماتحسب لي
طول العمر ارعاهم
وعاشوا سنين تعزبني
وافعالهم بترعبني
وقلبي وحده بيعيبني
وإيه يعني
.......ّّّّّ(شعر)........
عبدالله السايح