الحبيب // بقلم الشاعر ا. راضي مشيلح

الحبيب
===============
فُتت روض الشعر قطْفْ معاني
تا اكتب للحبيب الاولاني
طل الورد اعطاني عطورو
وقلي خُذ لوني الارجواني
والياسمين من صفحات نورو
بياض التلج والعفه عطاني
والمنتور من شهقة زهورو
قلي روح داوي اللي دواني
وبان الزنبق بقمة سرورو
وحملني الك اجمل تهاني
حملت الحِمل تا المحبوب زورو
وعصير الروح قدملو بقناني
لقيتو ناطر حضوري وبلهفه
قبل ما اسقيه من حبو سقاني
---------------------------
راضي مشيلح