ديالوج زعلان مني // بقلم الشاعر ا. ابو السيد

ديالوج زعلان منى
-----------------
بتقولى اهو زعلان منّى
وبعاده ياناس بيجننى
مش عارفه الاقيها م الدنيا
وللا اللى خصامه بيشغلنى
وللا اللى خصامه بيشغلنى
..................
وبيزعل منك طيب ليه
بسرعه روحى عليه راضيه
ولا مره تقسي تانى عليه
وشيليه فى العين جوا الننى
وشيليه فى العين جوا الننى
..................
ياخواتى بغير قوى واتجنن
ويوماتى عليه انا بتفنن
ازاى انا اراقبب محموله
ولا ياخد باله كداه منّى
ولا ياخد باله كده منّى
.................
دى جريمه كبيره قوى يامدام
عيب وتجسس وتغيظ وحرام
ولا تسعد بالك فى الايام
والشك معاكى هتتجنى
والشك معاكى هتتجنى
..................
طب اعمل ايه انا ياخواتى
الشك بياخدنى يوماتى
من همّى بقول واهاتى
ولا راضى بقربه يطمّنّى
..................
قوليلو بغير من حُبى عليك
ياشاغلنى وتاعب قلبى انا بيك
عيزاك العمر تكون لى شريك
فيك حب حمام البنّى
فيك حب حمام البنّى
.................

الشاعر ابو السيد