الإنس والجن
كان ياما كان فى مكان وزمان
واحد إنسى بيسأل جان
عمركش جعلت عزيز ينذل
إللى يذل عباده ينذل
عمركش شهدت شهادة زور
شهادة الزور بتطفى النور
عمركش شاورتش عقلك يوم تنوى وتسرق رزق الجار
إللى بيسرق رزق الجار .. رزقه فى يوم العرض النار
عمركش حاولتش أبدا يوم تجرى وتطغى وتإذى الخلق
إللى بيجري ويإذي الخلق يلاقي الشوكة فى سقف الحلق
عمركش عرفتش واحده من ورا جوزها وقولت مغفل
أخدع جوزها وأقول ده مغفل..! ربى حسيب لاينام ولايغفل
عمركش فى يوم ماسمعت آدان وما رحت تلبي
ماروحش ازاى وانا قرة عيني صلاتي لربي
قال الإنسي . ياخيبة جنسي .. طلع الجني افضل مني
طلع الخير من أهل الجان والانسان طلع الخيبان
كفايه ياناس أعمالكم غم..من هتك فى عرض لسفك فى دم
وخداع وخيانة بإسم ديانة وناس بتدبّح فى السلخانة
وسلب ونهب وسرقة ونصب.. وناس تتحكم فينا بالغصب
وناس بتغل وناس ماتدل وناس فى الصحرا فى ريق ماتبل
وناس بتذل وناس ماتحل وناس فى رحاية طحنت في الكل
وناس تحتد وناس ترتد وناس فى السالك تبنى في سد
وضرب بيد ونعل فى خد وجبال من مكر الناس تنهد
كفايه ياخلق ماهياش غابه غزلان ونعام وضباع وديابة
خلاصة القول إنتبهوا ياسادة جبروت عتريس ماهزمش فؤادة
وعذابه فى الآخرة مخيف ومريع..غسلين وزفير النار وضريع
وحميم وسموم وشجر زقوم وسلاسل نار وظلال يحموم
دى نقطه بسيطة فى بحر جحيمكوا توبوا لله.... الله يرحمكوا
بقلم طارق السيد
كان ياما كان فى مكان وزمان
واحد إنسى بيسأل جان
عمركش جعلت عزيز ينذل
إللى يذل عباده ينذل
عمركش شهدت شهادة زور
شهادة الزور بتطفى النور
عمركش شاورتش عقلك يوم تنوى وتسرق رزق الجار
إللى بيسرق رزق الجار .. رزقه فى يوم العرض النار
عمركش حاولتش أبدا يوم تجرى وتطغى وتإذى الخلق
إللى بيجري ويإذي الخلق يلاقي الشوكة فى سقف الحلق
عمركش عرفتش واحده من ورا جوزها وقولت مغفل
أخدع جوزها وأقول ده مغفل..! ربى حسيب لاينام ولايغفل
عمركش فى يوم ماسمعت آدان وما رحت تلبي
ماروحش ازاى وانا قرة عيني صلاتي لربي
قال الإنسي . ياخيبة جنسي .. طلع الجني افضل مني
طلع الخير من أهل الجان والانسان طلع الخيبان
كفايه ياناس أعمالكم غم..من هتك فى عرض لسفك فى دم
وخداع وخيانة بإسم ديانة وناس بتدبّح فى السلخانة
وسلب ونهب وسرقة ونصب.. وناس تتحكم فينا بالغصب
وناس بتغل وناس ماتدل وناس فى الصحرا فى ريق ماتبل
وناس بتذل وناس ماتحل وناس فى رحاية طحنت في الكل
وناس تحتد وناس ترتد وناس فى السالك تبنى في سد
وضرب بيد ونعل فى خد وجبال من مكر الناس تنهد
كفايه ياخلق ماهياش غابه غزلان ونعام وضباع وديابة
خلاصة القول إنتبهوا ياسادة جبروت عتريس ماهزمش فؤادة
وعذابه فى الآخرة مخيف ومريع..غسلين وزفير النار وضريع
وحميم وسموم وشجر زقوم وسلاسل نار وظلال يحموم
دى نقطه بسيطة فى بحر جحيمكوا توبوا لله.... الله يرحمكوا
بقلم طارق السيد
ليست هناك تعليقات:
إرسال تعليق