حلايب وتيران // بقلم الشاعر ا/ محمدحجاج

حلايب وتيران
لاأنا إخوانى..
ومبقتش من العسكر
أنا ابن مصر
اللى النيل فيها اتعكر
من عمايل الاخوان والعسكر
أنل اللى حرمونى
م الزيت والرز
وف رمضان
هيحرمونى م السكر
أنا اللى مية نيلى
والكهربا عليه غالية
والغاز لإسرائيل
رخيص وعلى أنا غالى
البلد دى مش للبيع
أرضها مرويه بدمنا
من مرسى للسيسى
يا قلبى لا تحزن
الأول سودن
حلايب وشلاتين
والتانى سعدن
صنافر وتيران
لما جه سلمان
قلنا:
الكرم السعودى بان
أتارى الطمع ألوان
السودان :
ف أرضنا طمعان
والسعوديه : ف جزرنا
برضه طمعان
بكره ليبيا تطمع
ف غربنا
واسرائيل تحتل شرقنا
ياعالم دى أرضنا
حته مننا
إنكتب عليها
بدم جدودنا ودمنا
دى أرضنا
اللى ربنا كرمها
فى قرآنه
فاضل لينا إيه
غير عرضنا
نبيعه ونريح نفسنا
خيبت أمالنا
وضيعت جزرنا
بقلم:محمدحجاج