زينب والقصر
آه ..يا عينى
الشيخ العينى بنى قصر
للى صابه المرض والفقر
وسماه القصر العينى
جدودنا كانوا يتمنوا
يتعالجوا ف القصر
زينب رجلها صابها كسر
راحت للقصر
قابلوها وجبروها
ولما لقوها م اللى
صابهم الفقر
أكرموها واستضافوها
كرم ممدود له جسر
أكل إيه؟...وشرب إيه؟
وتحاليل مالها حصر
فيتامينات م الضحى للفجر
شهر ونص شهر
الكرم على زينب كتر
متعودتش عليه م الصغر
لما قارنت عيشتها
اللى تصعب ع الحجر
واللى حصل
قلبها انحسر
ماتت زينب
ومبقاش لها حس ولا خبر
أهلها فتحوا القبر
والمغسله جابت العطر
كشفت الوش لقت جروح
ع الوش لها أثر
لكن العين ما لها أثر
أتارى الكرم
كان له سبب
يا اللى رايح القصر
خد من زينب العبر
العلاج مبقاش ف القصر
القصر بقى سرقه وتجاره
لأعضاء البشر
بقلم :محمد حجاج
ليست هناك تعليقات:
إرسال تعليق