شهيد لقمة العيش // بقلم الشاعر ا/ محمدحجاج

شهيد لقمة العيش
مصطفى شاب
عاش ف عشه
من عشش الصعيد
اللى الفقر حاوطها
من كل مكان
ونسيتهم الحكومات
على مر الزمان
ولقمة العيش
عليه ضنت كمان
ساب البلد
ودق كل البيبان
اشتغل ف كل المهن
وف أى مكان
يبنى جدران
يهد حيطان
يشيل طوب
يشيل زلط
يشيل طين
عشان يعيش أأقل
من عيشة أى إنسان
نزل مصر
واشتغل ف بستان
بيوميه ياكل منها
ويبعت لأبوه وامه
ويحوش عشان
يتجوزكمان
جه بلطجى
ف زى أمين شرطه
كل وشرب.. وفاضل
يعمر الطاسه كمان
راح ياخد الفرده
نص يومية الغلبان
رفض الولد
هاج البلطجى
وسبه بامه
رد الواد الشتيمه
كبرت ف دماغ الجبان
رفع الآلى
وضرب ف المليان
مات الولد
وانصاب اتنين
من الشبان
ياسلام لما اللى
بيحمونا يرفعوا
سلاحنا علينا ويقتلوتا
ويصيبوا ولادنا ويعذبونا
هى بلطجه وارهاب
ولا حمايه وآمان
بقلم:محمدحجاج