متغربين يا قلبي // بقلم الشاعر ا / صفوت محمد

متغربين يا قلبى
ولا حد حاسس بينا
نداوى جراح المجروحين
ومين هيداوينا
تمر أيام وسنين
نشوف قسوة من الأصحاب
والاحباب يغدروا بينا
نقابلهم بالورد
نلاقى الشوك بايدينا
ياللى اسببتوا فى جراحنا
راجعين ليه تصالحوا فينا
سيبونا فى حالنا وارجعوا
بلاش تصحوا الجراح فينا
من كتر ما شوفنا منكم
الاحزان جوانا منشوره
ويا الاهات والآلام
الدمع فى عينينا
متغربين يا قلبى
ولا حد حاسس بينا
... صفوت محمد ...