نداء اطفال الكون
-----------------------
تعوا يا كبار هالكون اسمعونا
بنتائج فكركم عم تحرقونا
وجيبوا زهور هالروضه النديه
بدل غازاتكم تا تشممونا
شبعنا قتل اطفال البريه
شبعنا هموم عم بتحملونا
اشتهينا لقمة العيش الهنيه
اتركونا نذوق هاللقمه اتركونا
تعالوا نعيش يا عالم سويه
بيكفي بالنميمه اتفرقونا
بكفي افكار سوداء جهناميه
وبكاس الحقد عم بتشربونا
خلوا اروحنا تبقى وفيه
واذا سهينا شي مره فيقونا
ما بدنا نموت تا تيجي المنيه
ولا انتوا ربنا تا تحاسبونا
اصحوا عاد بيكفي ازيه
لبديه هالخليقه رجعونا
ليوم ان جابنا رب الحميه
اخواه كلنا بشرع الخليقه
حوا امنا وادم ابونا
----------------------------------
بقلمي راضي مشيلح
ليست هناك تعليقات:
إرسال تعليق