ابني حَزيــــــــــــــنْ // بقلم الشاعر ا / حمدي القرشي

.. ( ابني حَزيــــــــــــــنْ ) !! ......................
.
........... في مناسبة /( عيـــد الأم )
.
.
ابني حزين ............ بيقول لي فين وعدَكْ لِنا
.
مش قُلت احنا راح نعيش والحزن تدفع عنّنا ؟!
.
ونعيش معاك في سلام أكيد , والأمن يسكن قلبنا
.
ورضينا منك دا الكلام , وفرحنا يومها كلنا ؟
.
وامي بَكَتْ من فَرحِها ,,, قالت خلاص جاني الهنا !!
.
وقعدنا نحكي للجيران , وكمان حلمنا بسعد نا
.
وفي لحظه حالك صار غريب ,,,, ورجعنا تاني لِهَمّنا
.
وبقينا احنا نخاف عليك ,, وَلاَ انتَ حاسس يوم بنا !!
.
مايكونش يابا شيطان غواك , خلاَّك تهدد عشِّنا ؟!!
.
مالك يابويا صابك أيه , وكمان بتغضب أمّنا ؟!!
.
أمي بتبكي بالدموع ,,, بتقول دا قالوا ( الليله عيد ) ...
.
للأُم وادي حظَّهَا , البسمه غابت من الشفاه , والحزن عشش وسطنا
.
وانا عشت عمري احبكم واديت كتير وكتير حنان , عالم بحالي ربّنا
.
ياما بكيت لو حد قال انّه اتْوَجَع , ولا حد نال يوم عِرضَنَا !!
.
سيبكم بقى من دا الكلام , مش عايزه عيد ؟
.
وانا عيدي يبقى وفرحتي ليلة ماتفرح ..... مصرنا !!
.
الأم هيَّ دي البلد , أم لأخويا وللولد ...................
.
والعيد يكون عيد الجميع , لمَّا الأمان يدخل قلوبنا كلنا
.
يا مصر يا ام المعجزات , ياام الهرم , يا الَّي خَضَارِك في العَلَمْ
.
ازاي نهارك صار ظلام , والنور بدايته من هنا ؟!!
.
فوقوا بقى , بنت وولد , ياشباب كفايه والنبي ؟
.
وازاي تقولوا الليله ( عيد للأم ) واحنا اتغرسنا في دمِّنا ؟!!
.
ابني اتقتل , أو راح شهيد , مافيهاش خلاف ...
.
انا عايزه ابني في وسطنا !!
.
مابقيتش أم ,,,,,,,,,,,, واناكنت راضيه بقسمتي .......
.
كان نفسي اشوف ابني عريس , ويشوف حبيبي يوم هَنَا
.
وبتحرموني فرحتي ,,, وتقولوا عيد ؟
.
مش عايزه عيد ,, ولاعايزه حد يودِّ نا .
.
.
/ حمدي القرشي