براءة يا شيطان // بقلم الشاعر ا / حمدي القرشي

.. ( براءة ياشيطان ) !! ...........
.
.
طلع الشيطان فعلا بريء ......... و ( زليخه ) كانت له دليل
.
كان عند آدم فيه شيطان ........ لكن بريء من موت هابيل
.
حُسن ( البنيّه) كان سبب ..... كان نفسه يغنم به قابيل !!
.
وكتير قرينا في ( الآيات ) .......... وكلام نهايته عذاب وويل
.
جرانين بتحكي كل يوم ...... ( عنتيل ) جديد , ونهار وليل!!
.
وكلام كتيرفيه العجب ................ دالقلب منّه صار عليل
.
.
الست دي قالت كلام ............ راح يختشوا منّه اللئام !!!!
.
ابليس تركها وراح بعيد ............. وبرايته طالب بالسلام
.
أفلامها صبحت مدرسه ......... (شوشو ) حضرهم بالتمام
.
كان نفسه يفهم زيّها ............ (الست ) صبحت له مقام !!
.
أنا لما أشوفها باترعش ........... والقلب يصرخ بالغرااام
.
بتثير حواسي كلّها ................. مع انّه فيها كتير كلام !!
.
.
في الدين بتحكي والتاريخ ..... ( عالمه ) صحيح , متدلّعه
.
خبرة سنين لها في (الأدب ) ........... خلّت قلوبنا مولّعه
.
مالقتش حد يصدّها ..... ازاي بقى؟ واحنا نحب المرقعه !!
.
.
الفيلم يقعد بالساعات ................ والكل طبعا في ثبات
.
ومافيش كتاب راح نفتحه ....... والشيخ بيصرخ لما مات
.
أذّن في مالطا أو هنا ........ والست ترقص بالصاجات !!
.
فين القانون ؟ والمفتي فين , فين الأدب ,, ليه السُّكات ؟!!
.
.
.
وياعيني (شوشو) كان بريء ... و ( زليخه ) كانت له دليل
.
كان عند آدم فيه شيطان ........ لكن بريء من موت هابيل
.
حُسن ( البنيّه) كان سبب ......... كان نفسه يغنم به قابيل !!
.
.
/حمــــــــــدي القــرشــــــــي