ملهوف----من ديواني سر الحبق
-------------------------------
ساحة سبَقْ فيها الزمن خيّال
لما ع حدي قاعده تْكوني
وقديش ساعاتو بيصيروا طّوال
يوم اللي بتغيبي عن عيوني
مكتوب ع وجهك هداة البال
قبالو صَلِبْ بِرضَا يصلبوني
اسمي ع تمك بسمعُو موَّال
غير شكل عن كل ال بينادوني
وان كان إحْسَاسِك ع ذات الحال
وحتى تظلك نور بعيوني
قومي اتصليلي على الجوال
ولا تحرمي الريشه من الاوتار
ملهوف تا شفافك يعزفوني
---------------------------
بقلمي راضي مشيلح
ليست هناك تعليقات:
إرسال تعليق