مرايا // بقلم الشاعر ا / محمد صالح ( محمد تيكو )

(مرايا) ‫#‏جديده‬
ابص لصورتي ف مرايا
اتاري الصوره مش ليا
ف بهرب مني ف روايه
بلاقي حروفي منسيه
ف بتعشم ف قصة حب
أقول يمكن تريحني
ألاقي عيوني مسجونه
بترسم وصفي تمنحني
ملامح طفل بيعاتب
ومش لاقي طريق لهروب
كأني حبسه جوايا
ف سطر الذل وسط ذنوب
يبص بعينه بالمقلوب يخاصمني
ومش عايز يجاوبني
بنظرة عين يحاسبني
ويزرع حيره جوايا
خلاص وقف ومش ناقص
ومش عايز عتاب خالص
وبزياده خلاص الجرح
ومش عايز طريق للفرح
كفايه عليك تأنبني
ولا تكتر خلاص سيبني
لحضن الصمت ف مرايا هتتكسر
سنيني حروفها ف روايه وما تأثر
حكاية خوفي من نفسي ومن أسمي
حروف وشمت على جسمي
ولا مره هتتفسر
سبوني لحضني مع نفسي
وهاحضن روحي جوايا
واداوي ضلها المحني
أبص لصورتي ف مرايا
بتفضحني
أتاري الصوره مش ليا.......
#محمد_تيكو