مجلة همسات سندرلا

مجلة أدبية تهتم بكافة انواع الادب من شعر ونثر وقصة ومقالات وما الى ذلك

الخميس، 7 يناير 2016

أحب أسمي يتكتب بخطك // بقلم الشاعر ا. حسن الشوان

..أحب أسمي يتكتب بخطك .........
........................................................................
يا بخت القلم وهو في ايديكــي
إحساسه دايب وحاسس بيكي
نبضه في قلبك دافي
بيرفرف بمشاعره حوليكي
دمه في حبك صافي
ولهفته في نظرة عينيكي
ميعرفش يكتب إلا حروفـــك
والعمر كله يتمني يشــوفك
ومهما كانت ألامك شاريكي
هايم في هواكي وطيفك
القلم اللي بعته ليـــــــكي
خلاص إتعود علي طبعك
وإتألم علي انين صوابعك
جالي يقولي ويشتكيكي
ميهونش عليه وجعـــــك
يبقي ليا حق أخــاف عليكي
بس أحب اسمعه لما يناجيكي
أحب أسمي يتكتب بخطــك
وقلبي يرسي علي شطـك
وروح الورد تدوب فيــــكي
القلم في إيدك ناي حسيس
يعزف أنغـــام وأحاسيس
ورقتك هيام جوايا تعيش
ألحان تنور كل لياليكي
القمر يحب يسهر معاكي
ويحب كلامك وهواكــــي
ولوغيبتي عليه يناديكي
يبقي ليا حق أداريــــكي
...............................................................
...................... إحساس / حسـن الشـوان ...........
.........................4/ يناير /2016 .............
مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)