بيت أهلي // بقلم الشاعر ا / راضي مشيلح

بيت اهلي
--------------
يابيت اهلي شايفك حزنان
لكن ما ضني تْكون عَ قدي
كل ما ذكرتك موجة التحنان
عم شوفها كرجت على خدي
وبْصير اتذكر زمان ال كان
يقطر سعاده وحُب ويندي
وكيف كانت لمة الجيران
تمحي التعب وايام مسوده
ووين اهلي ووين هالبستان
عصافير منو تطلع تعدي
ووين صوتا ال ردد الالحان
تاتشوفنا غفينا عالمخده
ووين بيي يزين الديوان
وما يفوت واحد غير ما يعدي
وقهوة الساده تلون الفنجان
والفين صحه يقولهن جدي
هيك الدني يا بيت والانسان
بيغيب مهما اتطول المده
وحتى يضلو هالقلب عمران
وما يغيب ذِكْرو عن لسان الناس
لازم تضلا خفقتو موده
---------------------------
بقلمي راضي مشيلح