فكنت تملي بستنى // بقلم الشاعر ا / عاطف سيف ( شاعر الوفاء )

فكنت تملي بستني
قصيده حلوة ليكي تنزل
ادخل عالحروف واكتب
قلبي يقولي ياد اتقل
اقول رووعه وتسلم ايدك
وعارف اني بستهبل
لقيتك كاتبه فمرة دموع
وعيني تشوفها وتولول
لقيتك كاتبه كلمة ضحكة
سمعت الضحكة بتجلل
يا ريتني كنت شاعر زيك
وكانت الناس بتقرالي
لقيت قلبي كتير بيقولي
خليك من المعجبين افضل
وانا مبسوط
كفايه اني بقرالك
ومن وقت لوقت كمان
بطمن علي احوالك
وبفرح لما تبقي سعيدة
وبزعل عللي يجرالك