شرفة الاحداق
شو ظل ممكن بعد احكيلك
يا عاقده ع الشمس منديلك
نشفت دموع القلم والاوراق
عني رحتلك قصد تشكيلك
محير حروفي بكثرة الاشواق
حيرة درب قلبي ال بيناديلك
بدقدق حناني كحل للعشاق
بلكي وعسالله تغتغتي ميلك
واغفى بهنا ع شرفة الاحداق
وع مرايتك ابقى مقابيلك
وتاذوب مع دمعه صرت مشتاق
مثل النحل ع الورد هديلك
خلق الرحيق الحلو تا ينذاق
وبيكون قلب الام داعيلك
ولولا بتمي بمصمص الترياق
لانو الخلقنا هيك راد يكون
وهالتم من عندو موديلك
--------------------------------------
راضي مشيلح
ليست هناك تعليقات:
إرسال تعليق