عرفتي // بقلم الشاعر ا. عبدالله السايح

….(عرفتي)………
بتسألي عن حبي فين
بعد زمن عدى وفات
لو نسيتي ثانيتين
قلبي في الذكريات
يوم زرعتي أرض طين
غدر كان يطرح آهات
وإحنا في عز الحنين
قلبي كان عندك فتات
لما خونتي السنين
اللي فاتت م الحياة
واللي نقشت بالأنين
عمر فات والباقي آت
دمعي يومها تذكرين
تحت جفن الحب مات
سر بين ضلعي دفين
بس عايش في ثبات
قلبي بيموت كل حين
عقلي عايش ف شتات
عرفتي حبك يبقى فين
في سهام الغدر فات
واللي باقي م الحنين
غلطة عايشه للممات
……… .(شعر)……
. عبد الله السايح