دهاليز النار // بقلم الشاعر ا. طارق السيد

دهاليز النار
ياللي بتعرض بكرة هتورد
ع اللي مايورد في دماغ حد
قطر الموت في ميعاد مظبوط
دايما بيفوت ما بيعتق حد
وإللي إرتد في يوم العرض
هيلطم خد ياحسرة عليه
لا مال ولاجاه للي في يوم تاه
عن ذكر الله راح يشفعوا ليه
ياللي ماصليت ولا يوم زكيت
ولا لما قدرت في يوم حجيت
حتما ولابد يكون لك رد
هتقول إيه ليه ماتوبتش ليه
ليه إستهونت عذاب النار
وليه إستهويت ألاعيب إبليس
أهو لاعبك لعية قط وفار
جوّزك الدنيا إفرح ياعريس
بالدخلة إللي ف دهاليز النار
ياإبن آدم توب لله
وبداية التوبة الإستغفار
ربي كريم قوي جل علاه
مالناش غيره هو الغفار
بقلم طارق السيد