إياك تبكي // بقلم الشاعر ا. سيد صادق

‏‎

إياك تبكي أو يوم تشكي
إياك يوم هتقول معييش
كبر كبر... مين بيعبر
ايه يعني مش لاقي العيش
متقولشي أن انت جعان
و ف بلدك عايش متهان
و قضيها بيره ونسوان ..
اقولك ... اديها حشيش
طول ما انت بالطوق مربوط
وكتبولك تمشيها بشروط
وحبسولك كل الأحلام...
وسابولك تحلم بالموت
يبقى هاتشغل بالك ليه
اوعي ازاي تسبق ليه
الغابه يا سعاده البيه..
ما فيها مكان للإنسان
متقولشي أن انت جعان
و ف بلدك عايش متهان
قضيها بيره ونسوان ..
اقولك ... اديها حشيش

سيد صادق
قرفان اوي اوي