صباح الأمل // بقلم الشاعرة ا / ليلى فوده

صباح الاًمل
-------------
يابسمة الاًمل الجميله
طلى من تانى
خلى الصباح يبتسم
دى شمسه وحشانى
عودى ياشمس النهار
املى الوجود بالنور
لفى نفوس البشر
صفا واًمل وسرور
اًحلا صباح لما
بسمة اًمل بتطل
فوق وش طفل برئ
تحيى الاًمل فى الكل
تعيد وجود الحياه
بعد العدم والياًس
يطل فجر جديد
كله عزيمه وباًس
صباح يهل معاه
اًمل فى بكره الجاى
اللى نهاره طل
وزاح مرارة الاًمس
غنت طيور الوادى
وزقزقت عصافيره
نسيت نياته الحزن
مع بكره جى بخيره
حب واًمل وسرور
يملا قلوب الكل
يارب خليك معانا
وهتبقى فل الفل

صباح اًحبتى كله
اًمل وسرور
طول ما القلوب صافيه
تبقى حياتكوا بخير
ليلى فوده