حبيبتي // بقلم الشاعر ا / ماهر البساطي

«« حبيبتي »»
وردايه ومفتحه
عطرها مالي الكون
قمرايه ومنوره
قلبها طيب وحنون..

البدر في السما
بيغير من حُسنها
وعيني وقلبي انا
بيدوبوا في حُبها..
نظرة عيونها ليا
الميه...والهوي
واحساسي بخوفها عليا
دا فوق كل المني..
الحب اللي ماليها
ماليني شوق ومحبه
وكسوفها في نظرة عنيها
خلاني اشوفها الجنه..
الشمس بنورها ساطعه
قبل ماتفتح شباكها
وان فتحت هي بابها
تهرب الشمس في صباحها..
وان طل القمر بالليل
كسوفه يبان عليه
ان شاف حبيبي جميل
يقول الله عليه..
الروح في قلبي ساكنه
وانا روحي مش ويايا
انا روحي في السما طايره
بتحرس حبيبي ومنايا..
الكلام وكلمة بحبك
مابقوش عندي كفايه
دا عنيكي وروحك وقلبك
يستهلوا حب مالوش نهايه..
السعاده دي كلمه قٍليّله
م اللي انا بحسه معاكي
دا كلمه واحده حٍنيّنه
بتدوبني دوب في هواكي...
يا...........حبيبتي..
بقلمي/
ماهر البساطي..