كحله على شط البحر
---------------------------
في بحر عينك سنه صارلو الفكر محتار
وخايف يعربد بموجو ان فُتِتْ يرميني
وبحّار بعرف كنت لكن صرت ختيار
خايف ان هبت رياح الشوق تلويني
وياريت كنا اتقبِلْنا بأول المشوار
بيوم اللي وهج الجمر ما كان يكويني
تا كنت جبْلِك من النجمات تاج زرار
يصرخ بصوتو الشجي دخلك البسيني
وتا قرص وجهك الشمسي اعزْمه عالدار
وكل ما يطل البرد يظهر ويدفيني
وخايف يا شمسي انا ابدا اللعب بالنار
ورماد صَفِّي وع كيفُه الريح يذْريني
وحتى ما يبقى الفكر متلبك ومحتار
وتايزول خوفي ال نبع من مرقة سنيني
مثلي تعالي احملي من صورتي تذكار
يمَّا شي كُحْله ع شط البحر رُشِّيي
-------------------------------------
بقلمي راضي مشيلح
ليست هناك تعليقات:
إرسال تعليق