بتعيده من تاني // بقلم الشاعر ا / مبروك البنا

بتعيده من تاني"
-----------------------
عجبي عليك يازمن بتعيده من تاني
نسيت خطـاوي الألـم رجعتها تـاني
راح اللي راح يـا زمن بقسـوه بكاني
قلبي في حُـبه أتظلم والدنيا نسياني
*أبكي علي قلبي ولَّا علي اللي راح
أبكي علي حُـبي دا حبي كُـله جـراح
راجـع تعيـده ليه ؟ وقلبي مِنـه ارتـاح
من يوم ماطيري راح والتوهه وخداني
*يوم ما رحـل يا زمـن من غـيـر وداع
الشمس غـابت يا زمن والحلم ضـاع
غرقت في بحر المِحن من غير شراع
سابني لكلام العزول وسجن جدراني
*ياليل ياليل يـاعين استـر علي قلبي
من حبه شفت الويل والدمع سال مني
رمـاني قـلبه سنيـن والـفرح ودعـنـي
وانت السبب يا طيـر في كل أحزاني
*حُـبك حرمني النـوم وقلبي بِـيِّـعـاني
راح اللي راح يا زمن والدنيا بَـيّـعاني
حبل الهوي موصول والفرحه نسياني
و كنت فـيـن يا طير وقـلبي وحـداني
* ياليل ياليل ياعين غِيابُه عني طال
سايبني للأحـزان ولاحتي منُّه سؤال
راجعلي تاني ليه تحكيلي كام مـوال
عجبي عليك يازمن بتعيـده من تاني
------------[مبروك البنا]------------