في ساعة غروب // بقلم الشاعر ا / أحمد ونس

في ساعه غروب الشمس
ومع آخر خيوط النور
كأن الشعر كان خايف
كأن القلب عاش مكسور

ومع بدايه دخول الليل
بحس معاه بمر و ويل
واحس بخوف واكون مجبور
اغنيلك واشكيلك هموم القلب
واخاف من بكره ومن بعده
واتمناكي جوايا شعور بالحب
ويفضل هو على وعده
الاقي جروحي ولاده
وحزني حزين فوق العاده
تكوني لقلبي سبب سعده
امانه عليكي يا أميره تحبيني
فكوني ليا كل الكون
فاعوض عمري و سنيني
وأكون ليكي انا ممنون
مانا اللي عنيكي سحروني
وهما عشقي وجنوني
و بحلم امتى هاتجيني
ولو هاتفرحيني يومين
اكون شاكر وكلي حنين
الاقي الفجر بيشقشق
واتمنى الحلم يتحقق
وترجع تاني حيره أمس
وأفضل تاني الف وأدور
ولغاية شروق الشمس
ومع اول خيوط النور
كأن الشعر كان خايف
كأن القلب عاش مكسور
....... ‫#‏احمد‬ ونس #
ارتيكاريا شعر