فلاتر الكلام // بقلم الشاعر ا / طارق السيد

فلاتر الكلام
فلاتر فلاتر
إتفرج ياسلام
فلاتر تفلتر
للناس غث الكلام
وتصرخ الفلاتر
يارب أستر ياساتر
كله ياخدله ساتر
سيف اللئام كلام
كلام في ديله قاطر
مغزى مش تمام
ممكن كلمة واحدة
من ناس قلوبها جاحدة
ترميهم في الجحيم
سبعين ألف عام
فلاتر فلاتر
معايا الفلاتر
تنقي الكلام
وتجبر الخواطر
وتنشر السلام
قرب ياشاطر
كهل أو غلام
خد مني الفلاتر
فلاتر توصّل
للناس حسن الكلام
فلاتر فلاتر
تخلي الكلام
متقاس بالمساطر
وتخلي اللسان
بعيد عن المخاطر
عشان الفلاتر
ماركة اللجام
وإن يفلت الزمام
يوم من اللسان
غيّر الفلاتر
ودا آخري في الكلام
بقلم طارق السيد