شهيد لقمة العيش
(دربكه)
شاب طايع لربه
بيشتغل زى ماأمره
غرقان ف عرقه
خارج يكون نفسه
اتقتل فى شغله
شهيد عند ربه
فى يناير وقف
يحمى المديريه
ردوا له الجميل
برصاص الداخليه
الدوله البوليسيه
راجعه تقتل
المقاومه الشعبيه
عروسته كانت مستنياه
والفرح كان
على موعد معاه
فرحه ماتمت
قضى عليها
غراب الداخليه
أمين شرطه
اسم الله عليه
ماشى والدنيا
ملك إيديه
يضرب الأرض برجليه
ويقول:ياأرض اتهدى
ما عليك أدى
دربكه طلب أجره
إزاى الواد يطلب حقه
غلى الدم ف عروقه
ضرب دربكه
برصاصه ف دماغه
وقع الولد تحت رجلين
سعادة البيه
ضاعت الحقوق
ف دوله
حاميها..حراميها
حاميها جلادها
ماصص دم شبابها
ودمهم نازل من إيديه
هى الثوره
قامت تحقق إيه؟
بقلم:محمد حجاج
ليست هناك تعليقات:
إرسال تعليق