شفتوا بقا // بقلم الشاعر ا. ابو السيد

شفتوا بقاا
====
شفتوا بقا اللى انا حبيته
فى حته مالقلب داريته
تعبنى الله يخرب بيته
ولا مره شفت منه حنين

حنينى تاعبنى ف حُبه
وكان منايه اكون جنبُه
تعبنى الله يتعب قلبُه
وسابنى اشكى وحيد مسكين

مساكين فى هواهم احنا
ولا حب منهم ريحنا
ولا كلمه بتداوى جراحنا
وشمتوا فينا الليمين

يلومونا على ايه يلومونا
واحنا الحبايب هجرونا
ولا غلطو مره وودونا
اهو بخت قلبى ابكى ياعين

ابكى على حظى الخايب
عايش لاحب ولا حبايب
والقلب فى هواهم دايب
وهما بيا مش حاسين

ويحس بايه فاقد الاحساس
الحب ليهم مابيسواش
يستهترأوا بقلوب الناس
اللى بهواهم مشغولين

ونتشغل بهواهم ليه
بحر غرامهم تهنا فيه
لا زم نرد بقسوه عليه
ونعيش حياتنا لناس تانيين
=====
الشاعر ابو السيد