اوع تسيبني وتسافر // بقلم الشاعر ا. نعيم أنور

...اوع تسبني وتسافر...........
ان سافرت اكدب روحي اقول ماحصلش
الحب اللي بينا وكلام كتير لسه مانألش
العتاب بيننا وارد وانا كلامي مايزعلش
كلمه و راحت مش معناها اني ماحبكش
مش حاتلاقي اللي تصونك وتخاف عليك
انا اللي محاوطه عليك وبقلبي بخبيك
وان بعدت عمري احبك واسأل عليك
بس زماننا مادي وابويا حايجي عليك
وانا بنته والحل حايبقي مش ملك ايديك
ترجع تلاقيني مع غيرك والعاقبه عليك
بلاش تسافر لوحدك وخدني في ايديك
علي الحلوه والمره متهنيه واعيش ليك
اوعي تسافر انا بحبك وقلبي عليك
وان سافرت حد الله بيني وبين غناويك