انا انسان // بقلم الشاعر ا. سيد صادق

لا انا عسكر ولا اخوان
انا انسان مليش تصنيف
انا العايش ما بينكوا جعان
ونفسي ألقى حق رغيف
ع الارض بموت غرقان
ونومتي جنب اي رصيف
انا اللي بشجع السجان
واقول دايما ده حق الضيف
انا اللي بصلي ب القرءان
ورافض فيه يكون تحريف
انا الراكب مع قبطان
و مش عارف يقول تجديف
انا التايه بقالي زمان
و ضهري استوى م السيف
انا المحتاج اكون عنوان
و لو حتى ف قعدة كيف

سيد صادق