زهر البساتين // بقلم الشاعر ا. طارق السيد

زهر البساتين
انا مش مزارع
ربي إللي زارع
أنا بس ببدر
بذور زهور
تسرح جذور
تطرح عيدان
شايلين تيجان
زهور جميله
أشكال والوان
فل وياسمين
ورد ورياحين
فرحانه بتغني الدنيا ربيع
وبنفسج قال للنرجس
مين قال أنا زهر حزين
يمكن من غمقان لوني
الناس كلها ظنوني
لأ حتى كمان غنولي
يابنفسج زهر حزين
مع إن أنا لوني يجنن
لو فنان حب يفنن
رد النرجس قال
لو إتقال فيك ماتقال
كفايه إننا عارفين
إن انت مالكش مثال
يابنفسج ريح بالك
وأوصل من حب وصالك
تعالى بالعيد نتهنى
أنا وانت وتمر الحنة
والفل مع الياسمين
والورد مع الرياحين
ونخلي الفرحة تعم
كل زهور البساتين
بقلم طارق السيد