تليفزيوني // بقلم الشاعر ا. طارق السيد

تلفزيوني
ليه كل ماأفتح تلفزيوني
ألاقي قنواته ياناس يغيظوني
قناة التت وعري الست
ورقص البت ودومّه وتكه
وحركات سكه عشان الفكة
إلهي تتشكي ياحلوة فى قلبك
مليون شكة
وإللي يغني غصباً عني
إلهي يجنك ألفين جني
قوللي ياهذا قوللي لماذا
تعيد وتلت
لو بإديا أديك بإزازة
وأقرقش عضمك وأنزل فت
وكمان إعلان لفلانه وفلان
فني يافنانة فن يافنان
إعملوا حركات مع شقلباظات
بوّخوا مسّخوا تحيا التفاهات
وانت كمان ياسي أذكى إخواتك
ياللي قارفنا بمسابقاتك
إبعد عنا الله لايسيئك
إعمل فينا معروف بسكاتك
كفايه ياخوانا هاريتوا بدنا
عميتوا عنينا طرشتوا ودانا
أعوذ بالله من غضب الله
بدعي عليكوا منكوا لله
بقلم طارق السيد