عايش حلمك // بقلم الشاعر ا. عبد الله السايح

… .(عايش حلمك)……… ..
بعد كتير من عمر وفات
بعد سنين عايش في ٱهات
لسه ياابويا جوه القلب
عايش حلمك وإنت سكات
لسه ياابويا وأنا مشتاق لك
أدخل حضنك بعد مامات
لسه إيديك الحلوة تملي
لما تطبطب دمعي يجلي
لما تعاتب خلك خلي
بسمة حبك أغنيات
فاكرك وكأنك ويايا
وإنت بتحكي الألف حكايه
كل حكاية يادوب في ساعات
تمسك إيدي تخدني معاك
وتعلمني هنا وهناك
ولما أصلي إزاي أنساك
دنية ربك أمنيات
كنت زمان وأنا حتى بااعندك
حبك غطى عندي وعندك
حلمك سابق جندي وجندك
زعلك عمره ماكان له ٱهات
فكرك وكأنك ويايا
بتحرم نفسك وبتعطيني
من شريانك بتكفيني
ألعب وأتعب
أجري في حضنك
عيني تنام وعينيك تحميني
لوهكتب مش هقدر أوفي
لوهسقيك مايكفيك كفي
لو هعطيك الكون دا مشفي
مش هقدر أوصف لك وصفي
بكتابتي أو حتي بحرفي
أنا بعدك الدمع أداريه
وطريقك كملت عليه
وحنانك لساه بااعطيه
بس إن قلت الٱه ياأبويا
أستنه حضنك ماﻻ قيه
أنا محتاج لك وإنت بعيد
من تعاليمك عايشه الإيد
عايش كل الكون دا سعيد
بس ياابويا أنا محتاج لك
حتى وإنت في قلبي بعقلك
فكرك في العقل لغات
حتى وإنت سكات في سكات
لسه كﻻمك جوه القلب
لسه نصايحك نور في الدرب
عامل حبك أمسيات
…… .(شعر)………
عبد الله السايخ