آدي الربيع عاد من تاني // بقلم ا/ ليلى فوده

آدي الربيع عاد من تاني
-------------
ياربيع الكون تعالى
يلا اقدر ع الجراح
إوعى م الحزن إستحاله
تعطي له تاني السماح
زقزق الطير في العلالي
والورود كست البراح
ياربيع الكون تعالى
جدد الفرح اللي راح
-----------
غنى عصفور البراري
إدى للفرح السماح
وابتسم زهر البوادي
والندى بالعطر باح
طل فجر بنور ينادي
شأشأت شمس الصباح
ياربيع الكون تعالى
جدد الفرح اللي راح
-----------
ياربيع الحب أمتى
اللقا لمحبوبي إمتى
دا الشتا من بدري عدا
خد معاه الهجر ..راح
والنهارده البدر طالل
مطلبه مني السماح
ياربيع الكون تعالى
جدد الفرح اللي راح
--------
ياربيع افرد قلوعك
مركب الشوق بين ضلوعك
لونت الوادي أخضر
فُلّه ياسمينه مزهر
وَيَا نوار البيادر
ترحل الأحزان تغادر
كل قلب فيه نواح
ياربيع الكون تعالى
جدد الفرح اللي راح
------------
طلّ محبوبي عليا
من عيونه الفجر لاح
سَبَّح النبض في عروقي
للعيون اللي لشروقها
تبتسم شمس الصباح
سحرها هادر وقادر
يجبر الأحزان تغادر
والربيع أهو جه معاه
جددالفرح اللي راح

ليلى فوده