محموم
من ديواني حفنة غزل
---------------------
نْطرْتِك بليل الصفا تا شَفَّقوا عيوني
وبْغصب عني انحنوا وتقابلوا جفوني
لا فاح حدِّي المسك لا هلْ صوبي النور
وهَنلك عذابي وعليي أبَدْ ماتهوني
وصفِّيت حياتي بلون رياش هالشحرور
وما كنت اعرف يا روحي وين بتكوني
وفجأه لقيتو لمع في ناظري البلور
مدري خيالك ظهر في عيون مسجوني
حسَّيت اني بهنا بِتنَشَّق المنتور
وقطرات شهد الهوى الشفات سِقيوني
وزندين جسمي صِفي جواتهُن محصور
برقه ولطافه ونعومه وزوق لفوني
تأكدت وقتا انا إنو الارض بتدور
ومثل الفراشه خيوط النور قادوني
وعالجسم حام الندي والدم صار يفور
وعتمات ليل الشَعر بالحب غطوني
ورجفوا ايديي على زنَّارك المسحور
ومن قبل منهُن أنا الاجفان خانوني
وصحيت تاري الأهل عميحرْقوا بخور
وياريت صح الحكي ومحموم خلوني
-----------------------------------
بقلمي راضي مشيلح
ليست هناك تعليقات:
إرسال تعليق