أمــــــى
كل حروف الدنيا
ما تـملا مكانــك
كل كلام ف الدنيا
ما يوفى إحسانـك
كل كائنات الدنيا
ما تمـلا فراغــك
كل دعواتى ليك
ماتوفيك حبك وعطفك
يا اللى بأمر الله
وهبتينى الحياه
من حياتك
حملتينى ف بطنك
ورضعتينى من صدرك
واتخلط دمى بدمك
وربتينى على حجرك
سهرت الليالى
تهدهدى وتغنى
وترضعى وتمرضى
وتنيمى وتكبرى
وم الهوا الطاير
بتحمينــــــــــى
إيه أقولهولك؟
وإيه أعيدهولك؟
من يوم مافارقتينى
انحرمت من عطفك
وما لقيت اللى يحمينى
ولا مكان يأوينى
أمـى ...الله يرحمك
يــأمــــــــــــــــى
بقلم :محمد حجاج
ليست هناك تعليقات:
إرسال تعليق