عيب // بقلم الشاعر ا / عبدالله السايح

.......(عيب)..........
الحب قبل الهوى
مهما تشوف منه
لو كان في وصف الدوى
للغير بلاش إنه
ياخد دقائق سوى
من عمر له سنه
حتى ولو يتلوى
أو زعله قريب منه
حبك لوحده إستوى
ع القلب ويشمه
بنار الغرام إنكوى
وإتقال كتير عنه
والصبر كان هدمته
رسمك على كمه
ركب الزمان موته
بدموعه وبهمه
كنت معاه مايته
أخته وأخوه وأمه
ولاحد يوم سكته
غيرك ماكان همه
سدوا في يوم سكته
فتح الطريق دمه
مش عيب يكون آخرته
لو بالغلط ذمه
يستنى دور كلمته
بعد الغريب عنه
.........(شعر).........
عبدالله السايح