غزالة مغندرة // بقلم الشاعر ا. طارق السيد

غزالة مغندرة
في ليلة برد ممطرة
والبرق بيبرق في السما
ديب مستخبي في الدرة
لغزالة شاردة مغندرة
ياغزالة سموّك ليه شاردة
يجعل عينُه عليكي ياردة
ياغزلة عيارك ليه فالت
مين بس بحالك كدة يرضى
ياما زمان أمثال قالت
لما بنقطف يوم وردة
يومين بكتيرو والتالت
يا ندوسها لإن إحنا نماردة
ياإما الوردة عشان مالت
الإحتمالات كلها واردة
في الآخر ياغزالة بقولك
إسمعي مني ياأمورة
يوم مارسالتي توصّلك
فكري فيها ياغندورة
تفلتي م إللي هيحصّلك
لما تحلي الفزورة
بقلم طارق السيد